Tuisblad Ons Geskiedenis Visie en Missie Toelatingskriteria Personeel Beheerliggaam Fooie Bankbesonderhede Gedragskode Skooldrag Inkontinensie Kliniek Gallery Behoefte-Ontleding Kontak Ons

Tuisblad Ons Geskiedenis Visie en Missie Toelatingskriteria Personeel Beheerliggaam Fooie Bankbesonderhede Gedragskode Skooldrag Inkontinensie Kliniek Gallery Behoefte-Ontleding Kontak Ons

Die storie van Muriel Brandskool begin in 1964.  Dit was gedurende hierdie jaar  dat die skool se borgliggaam, die “Eastern Transvaal Cerebral Palsy Association” (nou die “Gauteng Cerebral Palsy Association”) tot stand gekom het.  Die onstaan van Muriel Brandskool is moontlik gemaak deur die fondsinsamelings van hierdie assosiasie, onder leiding van Mev Muriel Brand.

Muriel Brandskool het sy deure vir die eerste keer geopen op 14 Januarie 1969.  Die skool was aanvanklik in ‘n baie ou, nouliks gerestoureerde myngebou, met 27 leerders en 18 personeellede.  Soos leerdergetalle toegeneem het, het dit duidelik geword dat groter fasiliteite nodig was.  In Augustus 1970 het die Brakpan Stadsraad grond beskikbaar gestel, wat deur die skool gekoop is, en gedurende September 1973 is daar begin bou op die nuwe perseel in Brenthurst, Brakpan.  Op 9 September 1977 is die ou “State Mines” perseel gesluit en is die skool verskuif na die nuwe moderne gebou.

Die eerste matriekklas het hul finale eksamens aan die einde van 1981 geskryf.  Teen die einde van die skool se 36ste bestaansjaar in 2005, het die leerdertal op 460 gestaan en het die personeel bestaan uit meer as 100 professionele- en ondersteunende personeellede.

Tans word die skool geklassifiseer as ‘n provinsiale publieke skool vir leerders met spesiale onderwysbehoeftes en word dit deur die Gautengse Onderwysdepartement gesubsidieer.