Mev Muriel Brand was een van ‘n klein groepie merkwaardige vroue wat betrokke was
by die lewens van kinders met serebrale gestremdhede en na wie ‘n paar Suid-Afrikaanse
spesiale skole vernoem is. Nadat sy vir meer as 15 jaar die Forest Town Skool in
Johannesburg ondersteun het, het sy begin om fondse in te samel vir die vestiging
van ‘n nuwe skool in die ooste van die Witwatersrand. Die Muriel Brandskool is uiteindelik
na haar vernoem. Sy en haar man, Mnr Charles Brand was nou betrokke by die skool,
vanaf die ontstaan van die skool se borgliggaam in 1964, tot en met hul afsterwe
in 2003 op die onderskeie ouderdomme van 94 en 95 jaar.
Muriel Lillie Brand (née Freeman) is op 8 Augustus 1908 in Wensbury, Engeland gebore.
Haar familie het na Suid-Afrika geïmmigreer toe sy vyf jaar oud was. Sy het skool
gegaan in New Modderfontein en het op die ouderdom van 14 jaar na die besigheidskollege
in Benoni gegaan. Sy is in 1932 met Charles Brand getroud. Hulle het interessante
tye beleef tydens hul lewens – die Eerste- en Tweede Wêreldoorloë, asook die mynwerkersstaking
in 1922. Tydens die Tweede Wêreldoorlog het Charles saam met die genietroepe na
die Noorde gegaan, terwyl Muriel in Benoni die oorlog ondersteun het deur die gemeenskap
se hulpbronne te help koördineer en te mobiliseer.
Die volgende huldeblyk is deur Mnr en Mev Brand se kleindogters geskryf, en word
geplaas met die toestemming van die Brand-familie:
Huldeblyk
