Muriel Brandskool besef dat, deels as gevolg van die problematiek van navorsing in werklike situasies, empiriese bewyse vir die effektiwiteit van spesifieke terapeutiese- en onderrigtegnieke nie altyd beskikbaar is nie. Ons is egter van mening dat, gegewe:

1. 'n Samehangende teoretiese grondslag wat in ooreenstemming met aanvaarde wetenskaplike kennis is
2. Kongruensie tussen die teorie en die praktiese toepassing van die betrokke tegniek
3. Die verantwoordelike en deursigtige implimentering van die tegniek deur sy praktisyns
4. Die kritiese evaluering van beskikbare navorsing, selfs navorsing met gebreke

dit moontlik is om te onderskei tussen aanvaarbare benaderings en benaderings wat na die pseudowetenskaplike of selfs kwakkery neig.

Alle terapeutiese- en onderrigbenaderings wat by hierdie skool gevolg word, is aan die hand van bogenoemde getoets.

Hierdie bladsy hoort in 'n raamstel "frameset". Indien u dit direk deur 'n soekenjin bereik en ongeraamd gevind het, kan u die geraamde webwerf bereik deur op die skakel "Tuisblad" hieronder te klik.